شاورما بالدجاج
مقادير العجينة *
نص كيلو فينو
تلاتة زلايف دقيق فورص
ملح
شوية سكر سنيدة
نص معلقة خميرة الخبز
واحد خميرة حلوى
خمسة معالق زيت مائدة
طريقة العجين *
نجمع المقادير تكون العجينة مرخوفة شوية ونخلوها ترتاح واحد نص ساعة ونعاود نخوي منها الهوا ونشكل منها كويرات على حسب الشاورما كيف بغيناها ترتاح شوية ونطلقوها بحال البطبوبط غير الاختلاف اللي كاين اننا كنرققوها مزيان ونطيبوها فالمقلة التقيلة
مقادير حشوة الشاورما *
نص كيلو صدر الدجاج او لاداند مقطع طولي مرقد فشوية الخل والحامض
تلاتة البصلات مقطعة رقيقة
قزبور ومعدنوس مقطع رقيق
ملح
ابزار
تحميرة
خرقوم بلدي
شوية قزبور حبوب
شوية كامون
ثلاتة ثوم
عطرية الشاورما معلقة كبيرة معلقة خل معلقة كبيرة
نص كاس زيت المائدة
طريقة الطهي *
ناخد قطع الدجاج وتقطر من الحامض نضعها في مقلاة ونضيف جميع المقادير الباقية مع التحريك جيدا حتى تطيب
تم ناخد الخبز ونضع كمية من المايونييز ثم ناخد شوية من الحشوة مع خس او طريفات مطيشة او فلفل ملون مقطع رقيق على شكل طولي تم نلوي الخبز ونضعه في الة البانيني تم تقدم بالصحة والراحة
ليست هناك تعليقات:
إرسال تعليق